Жаҳон соғлиқни сақлаш ташкилоти коронавирус билан боғлиқ эпидемиологик вазият юзасидан ойлик ҳисоботини эълон қилди.

Унда, 2022 йил 26 декабрдан жорий йил 22 январгача бўлган муддатда Ер юзи бўйича COVID-19 ни юқтириш ҳолатлари ва инфекциядан ўлим кўрсаткичлари таҳлил этилган.

Маълум қилинишича, ўтган 4 ҳафта давомида 11 миллион нафардан ортиқ кишига ушбу касаллик ташхиси қўйилган. Улардан 55 мингдан зиёди вирус оқибатида вафот этган.

ЖССТ таҳлилига кўра, 28 кун давомида хасталаниш статистикаси ундан аввалги ойга нисбатан 25 фоизга камайган бўлсада, бу даврда ўлим кўрсаткичлари 13 фоизга ошгани хавотирли ҳолат. Шу боис ташкилот Ер юзи аҳолисига бустер дозада эмланишни тавсия қилмоқда.

26 декабрдан 22 январгача энг кўп беморлар аниқланган мамлакатлар:

Япония — 672 526,

АҚШ— 323 721,

Жанубий Корея — 192 638,

Хитой —142 066,

Бразилия —114 916.

Қайд этиш мумкин, пандемия бошланганидан буён дунё бўйича қарийб 665 миллион киши коронавирус инфекциясига чалинган. Улардан 6,7 миллион нафардан зиёди касаллик оқибатида вафот этган.

• ЖССТ
• O'lim
• коронавирус