Хонанда Манзура ҳамкасблари Райҳон, Лола ва Шаҳзода билан ўрталаридаги муносабатлари ҳақида гапирди. Журналист ундан тўртала хонанда бир даврда чиқиб, бир даврда машҳур бўлганини, сўнгги пайтларда эса барчаси санъат соҳасида сустлашиб қолганини айтиб, бунинг сабабини сўраган.
Аввало хонанда Райҳоннинг ижодида тўхталиш кузатилмаётганини билдириб, унинг барча қўшиқларини ва концертларини ёқтиришини айтган. Шундан сўнг ўрталаридаги муносабатларга тўхталган.
"Биз ўша пайтда бир-биримизга ҳам рақобатчи, ҳам мотиватор эдик. Ва бир-биримизнинг қўшиқларимизни қайси радиода чиқса, эшитардик.
Биз дўст бўлмаганмиз, лекин бир-биримизга жуда душманлик ҳам қилмаганмиз. Буюртма қилдириб, бировга сўктирмаганмиз. Шаҳзода ҳам, Райҳон ҳам маданиятли.
Шаҳзоданинг турмуш ўртоғи Равшан ака (Равшан Йўлдошев — “Tarona records” таъсисчиси) бўлган. Равшан ака нима номинация қилса, менга ҳам номинация беришарди. Шаҳзода менга душман бўлганида, менга номинация беришга тўсқинлик қиларди. Райҳон ҳам менинг қўшиқларимни радиоларда қўйдирмай қўйиши мумкин эди.
Тўғри, биз баъзида хафа бўлиб қолардик. Бир-икки йил автомат кўтаргандек юрардик. Лекин улар ҳеч қачон мени камситмаган, ота-онамни сўктирмаган. Мен улардан бунақа ёмонлик кўрмадим", — дейди хонанда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!