Аммо бу ҳолат ҳар доим ҳам касаллик ҳисобланмайди. Агар болаликдан юрак қисқаришлар сони кам бўлса ва ҳеч қандай касаллик белгилари кузатилмаса, бу нормал ҳолат ҳисобланади. Спортчиларда хам юракнинг дақиқалик қисқаришлар сони кам бўлади.

Миокард инфаркти, юрак ишемик касаллиги, юрак нуқсонлари, АВ тугун блокадалари, синус тугунининг заиф ҳолатлари, инфекцион эндокардит ва совуқ уриш ҳолатларида брадикардия кузатилади.

Брадикардия пайтида организмда тез чарчаш, умумий ҳолсизлик, бош айланиши, ҳансираш, кўкрак қафасида оғриқ, терининг рангпарлиги каби белгилар кузатилади. Ҳатто инсон бир оз муддатга ҳушидан кетиши ҳам мумкин.

Бундай ҳолатларда кардиолог-аритмолог кўригига бориш тавсия этилади.

• Lifestyle
• саломатлик