Улуғбекнинг шаҳид этилгани далили эдики, жасад тобутда чалқанча ётар, бир елкасини тупроқ билан кўтариб, қиблага мойил қилинган ва узиб олинган калласини кўксига қўйиб дафн этилган эди.

Профессор Герасимов бу ҳақдаги баённомага тубандагиларни қайд этган: “Фақат бақувват ва тажрибали қотилнинг зарбасигина шундай бўлиши мумкин. Қилич ўнг ёндан урилган, марҳум чўккалатилган, жаллод унинг олдида турган. Умуртқани кесиб ўтган сезилар-сезилмас титроқ тўлқин тиғнинг жуда ўткир ва зарбанинг беҳад шиддатли бўлганидан далолат беради”.

Антрополог Л.В. Ошанин Мирзо Улуғбек жасадини ирқий жиҳатдан ўрганиб, қуйидагиларни аниқлаган: Улуғбекда мўғул ирқи белгилари Амир Темурга нисбатан кам, у отасидан кўра бобосига кўпроқ ўхшайди, бўйи – 165,8 сантиметр ҳисобланди. Таниқли ўзбек антропологи Телман Хўжаев 1995 йили Улуғбекнинг бўйи 171 сантиметр эканини аниқлаган. У ўз хулосасини АҚШ олимлари кашф этган янгича илмий услубга асослангани билан изоҳлайди.

• Тарих