Ушбу резолюцияни 137 давлат ёқлаб овоз берган, шу жумладан, Ўзбекистон ҳам. Яна 12 давлат унга қарши овоз берган.

Қуйидаги 22 давлат эса бетараф қолган: Канада, Австралия, Австрия, Грузия, Греция, Литва, Хорватия, Болгария, Руминия, Панама, Молдова, Жанубий Судан, Руанда, Украина, Сербия, Словакия, Камерун, Эфиопия, Эстония, Самоа, Того, Уругвай.

Норвегия томонидан Яқин Шарқдаги фаластинлик қочқинларга ёрдам кўрсатиш ва ишларни ташкил этиш агентлиги (UNRWA)ни қўллаб-қувватлаш мақсадида ушбу резолюция Халқаро суддан Исроил томонидан қабул қилинган қонунларга чеклов қўйишни сўраган.

Резолюцияда инсонпарварлик ёрдами ва асосий хизматларни тақдим этишни таъминлаш ҳамда Фаластин халқининг ўз тақдирини ўзи белгилаш ҳуқуқини қўллаб-қувватлаш масалаларига алоҳида эътибор қаратилган. Шунингдек, резолюцияда Исроил томонидан босиб олинган ҳудудларда халқаро ташкилотлар фаолиятига тўсқинлик қилувчи чоралар қораланади.

• БМТ
• Isroil