БМТ миссияси тан олинмаган ва тугатилган Тоғли Қорабоғга борди. Бу ҳақда маҳаллий нашрлар хабар бермоқда.

Қайд этилишича, миссиянинг мақсади – жойлардаги вазият билан танишиш ва аҳолининг гуманитар эҳтиёжларини аниқлаш. Миссия таркибига БМТнинг турли агентликлари вакиллари киради.

“БМТ миссияси Тоғли Қорабоғга (Степанакерт) жўнаб кетди. Эслатиб ўтамиз, БМТ миссияси охирги марта Қорабоғга тахминан 30 йил аввал ташриф буюрган”, дейилади агентлик хабарида.

Шу йилнинг 29 сентябрь куни Озарбайжон БМТ миссиясини тан олинмаган Тоғли Қорабоғга ташриф буюришга таклиф қилган.

“У ерда жамоа вазиятни жойида баҳолаб, қолган ва кетаётган одамларнинг инсонпарварлик эҳтиёжларини аниқлашга ҳаракат қилади. Асосий эътибор гуманитар масалаларга қаратилади”, дейди БМТ матбуот котиби Стефан Дюжаррик.

• БМТ
• Тоғли Қорабоғ