"Менинг фарзандим фақат ширинликлар истеъмол қилади" - бу ёш оналар жамоаларининг энг машҳур сўровларидан бири.
Чақалоқ одатдагидек овқатланишни истамаса, алдаш, мультфильмлар билан овқатлантириш, шантаж ва мажбурлаш қўлланилади. Бу қисқа муддат учунгина натижа бериши мумкин. Аммо бундай усуллар овқатланиш бузилиши муаммосини ҳал қилмайди. Бундай қийинчиликларга нима сабаб бўлиши ва уларни қандай тузатиш мумкинлиги ҳақида кўп йиллик тажрибага эга психолог, ота-она ва бола муносабатлари бўйича мутахассис Карина Рихтере фикларини ўртоқлашди.
Бизнингча, бола интуитив равишда ўсиб бораётган танаси учун фақат тўғри ва соғлом овқатларни танлаши ва носоғлом ва ширин таомлардан воз кечиши керак. Аммо, аслида, кўпинча болалар оддий овқатдан воз кечиб, "арзимас" овқатни афзал кўришади. Бу ҳолат ота-оналарни ташвишга солаётгани жуда мантиқий. Ахир, зарур озуқа моддаларининг етишмаслиги боланинг соғлиғига бевосита таъсир қилади ва турли хил қийинчиликларни келтириб чиқаради.
Нега бола шўрва ҳамда гречка пюресидан воз кечиб, ширин творог ва конфетларни афзал кўради?
1. Носоғлом озиқ-овқат маҳсулотлари ёрқин қадоқлаш ва жозибали кўринишга эга бўлади. Болалар, айниқса кўзлари билан овқат танлайдилар, шунинг учун улар буғланган балиқ ва сабзавотли салат ўрнига ёрқин шакарламаларни афзал кўрадилар.
2. Овқатни танлашга ота-оналарнинг овқатланиш одатлари ҳам таъсир қилади. Агар сиз асосан булочка ва шоколад истеъмол қилсангиз, бола сизга қараб, айнан бир хил овқатни танлайди. Бундан ташқари, агар столда соғлом газак ўрнига ҳар доим конфет бўлса, бола ҳар ўтишида уни ейди.
3. Туғма хусусиятлар билан боғлиқ салбий сабаблар болани озиқ-овқатнинг маълум бир туридан бош тортишига олиб келиши мумкин. Яъни, боланинг истамаслиги эмас, балки у жисмонан бошқа овқатни истеъмол қила олмаслигидир.
4. Шунингдек, овқатланиш одатлари ҳиссий ҳолат таъсирида мажбурланади. Агар бола доимо психологик, ақлий ёки жисмоний ортиқча юкни бошдан кечирса, у онгсиз равишда исроф қилинган энергияни тиклашни хоҳлайди. Буни қилишнинг энг осон йўли – зарарли углеводлар, яъни ширин нарсалардир.
5. Кўпинча ота-оналар, боланинг ҳар-ҳашасини тугатиши учун ширинликлар билан алдайди. Шундай қилиб, ширинликлар бола учун мукофотга айланади. У чегараларни билмагани ва тўхтата олмагани учун ўзини доимий равишда мукофотлашни бошлайди.
6. Баъзи касалликлар ҳам овқатланиш одатларининг ўзгаришига олиб келади. Мисол учун, анемия билан болалар оддий овқатдан бош тортишлари ва фақат ширинликларни танлашлари мумкин.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!