31°
Кечаси 18°
Собиқ бош вазир Борис Жонсон Буюк Британиянинг навбатдаги Бош вазири бўлиш учун Консерватив партия етакчилиги пойгасида қатнашмаслигини маълум қилди.
Жонсон ўз баёнотида, у Тори депутатларидан 102 та овозга эга бўлса-да, Консерватив партияда бирдамлик йўқлиги унинг номзодини қўйиш учун тўғри вақт эмаслигини айтди.
“Мен Риши Сунак ва Пенни Мордаунт билан суҳбатлашиб, биз миллий манфаатлар йўлида бирлаша оламиз деб умид қилганман - афсуски, биз буни амалга ошириш йўлини ишлаб чиқа олмадик”, - деди Жонсон.
Шунингдек, Буюк Британия Молия вазирлигининг собиқ раҳбари Риши Сунак кшанба куни мамлакат иқтисодиётини ўзгартириш ва Консерватив партияни бирлаштириш мақсадида Бирлашган Қиролликнинг навбатдаги бош вазири бўлиш учун номзодини эълон қилди.
“Мен раҳбарлик қилаётган ҳукуматнинг ҳар бир даражасида ҳалоллик, профессионаллик ва масъулият бўлади ва мен ишни бажариш учун кун-у тун ишлайман”, - деб таъкидлаган Сунак.
Норасмий маълумотларига кўра, Сунакни камида 124 нафар консерватив қонунчилар қўллаб-қувватламоқда.
Таъкидланишича, Сунак ҳозирда Консерватив партиянинг Лиз Трусс ўрнига бош вазир бўлиш учун курашда етакчилик қилмоқда.
Маълумот учун, Буюк Британия Бош вазири Лиз Трасснинг иқтисодий ривожланиш режаси бозор ва фунт стерлингнинг қулашига олиб келганидан кейин лавозимидан истеъфога чиқди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
