Исроил президенти Исъҳак Герцог аппарати вакилларининг маълум қилишича, Адлия вазирлигининг афв этиш бўлими барча тегишли органларнинг фикрларини йиғиб, кейин уларнинг тавсияларини юридик маслаҳатчига юборади.

Бинямин Нетаняхуга қарши коррупция бўйича тергов 2016 йил декабрь ойида бошланган, 2019 йилда эса унга нисбатан бир неча коррупция ҳолатлари юзасидан расмий айблов қўйилган. Исроил бош вазири эса ўзига қўйилган барча айбловларни рад этиб келмоқда.

“Исроил бош вазири, хусусан, миллиардер ва Голливуд продюсеридан ўзининг шахсий ва бизнес манфаатлари йўлида ёрдам эвазига ўнлаб минг доллар қийматидаги совғалар олганликда айбланмоқда. Шунингдек, Нетаняху оммавий ахборот воситалари магнатларига ўзи ва оиласининг фаолиятини ижобий ёритиши эвазига ёрдам берганликда гумон қилинмоқда”, – дея ёзмоқда The Times of Israel.

Аввалроқ Трамп Исроил президентига Нетаняхуга қарши коррупция бўйича ишни тўхтатишни сўраб мактуб йўллаган эди.

• Авф
• Binyamin Netanyaxu
• Isroil
• Президент