Британия пандемияда сотиб олинган коронавирусдан ҳимоя воситаларини йўқ қилди. Бу ҳақда BBC NEWS хабар берди.

COVID-19 пандемияси даврида Британия ҳукумати шифокорлар учун ҳимоя кийимларини ва кейинчалик ҳисобдан чиқарилган ёки йўқ қилинган бошқа шахсий ҳимоя воситаларини (PPE) сотиб олишга қарийб 1,5 миллиард “ортиқча” фунт стерлинг сарфлаган.

Британия матбуоти аллақачон ушбу шартномани “Cовид даврида энг кўп исрофга олиб келган давлат буюртмаси”деб атаган.

BBC маълумотларига кўра, Британия соғлиқни сақлаш вазирлиги томонидан Full Support Healthcare (FSH) хусусий компаниясидан сотиб олинган камида 1,57 миллиардлик ҳимоя воситалари тиббиёт ходимларига ҳеч қачон керак бўлмаган.

Қайд этилишича, FSH билан 1,78 миллиард фунт стерлинглик ҳимоя ниқоблари, респираторлар, кўзни ҳимоя қилиш воситалари ва гигиеник фартуклар етказиб бериш бўйича шартнома 2020 йил апрель ойида коронавируснинг тез тарқалиши ва у билан боғлиқ ўлимлар сонининг кўпайиши натижасида юзага келган умумий ташвиш чўққисида тузилган эди.

Шунингдек, бу бутун пандемия даврида энг йирик шартнома бўлган.

Бу Covid пандемиясининг икки йиллик даврида Британиянинг ушбу мақсадлар учун бюджет харажатларининг тахминан 13 фоизини ташкил этган. 2020 йилгача бўлган ўртача йиллик даромадидан минглаб баравар кўпдир.

BBC тергови шуни кўрсатдики, FSH томонидан шартнома асосида етказиб берилган 2,02 миллиард PPE бирлигидан атиги 232 миллиони давлат шифохоналари ва бошқа соғлиқни сақлаш муассасаларига етиб борган.

Деярли 750 миллионга сотиб олинган буюмлар аллақачон ёқиб юборилган ёки бошқа йўл билан йўқ қилинган, яна 825 миллиони эса деярли йўқ қилиниши ва қайта ишланиши керак бўлган ортиқча захиралар деб тан олинган.

• Британия
• COVID-19