Жанубий Кореянинг BTS гуруҳи “Disney” компанияси билан ҳамкорликда бир нечта лойиҳаларни амалга оширади. Улар орасида ҳужжатли сериал ва тўлиқ метражли фильм ҳам бор. Лойиҳалар тайёр бўлганидан сўнг “Disney” стриминг сервисларида тақдим этилади.

Ҳужжатли сериалга "BTS Monuments: Beyond The Star" дея ном берилган бўлиб, унда гуруҳнинг тўққиз йиллик фаолиятига оид муҳим кадрлар жамланади. Ҳужжатли сериалнинг тақдимоти жорий йилга режалаштирилган.

"Ушбу ҳамкорлик Осиё-Тинч океани минтақасининг етакчи юлдузлари ва машҳур контент муаллифлари билан ҳамкорлик қилишга бўлган ижодий интилишимизни намойиш этади. Янги лойиҳалар дунёнинг турли бурчакларидаги томошабинларга маъқул келишига ишонамиз ва ўз сервисимизда янада кўпроқ мусиқий контент тақдим этиш имкониятини сабрсизлик билан кутамиз", – дейди “Disney” компанияси вакили Жессика Кам-Энгл.

BTS гуруҳи вакилларининг айтишларича, янги лойиҳалар мухлисларга уларни яқиндан билиб олиш имкониятини тақдим этади.

• Шоу-бизнес
• машҳурлар