Меҳнат кодексининг 187-моддасига кўра, байрам кунлари арафасида ҳар кунлик ишнинг давомийлиги барча ходимлар учун камида 1 соатга қисқартирилади.

Эртага 30 март — Рамазон ҳайитининг биринчи куни. Бугун, 29 март куни ишга чиққан барча ходимлар 1 соат вақтлироқ уйига кетишига қонуний ҳаққи бор.

Бугун шанба кунлиги ҳисобига кўп ташкилотларда қисқартирилган иш вақти белгиланган бўлиши мумкин. Масалан, соат 15:00 гача. Бундай ҳолларда ҳам байрам арафасида иш вақти яна 1 соатга қисқартирилади. Яъни, ходимлар соат 14:00 да уйга кетишлари мумкин бўлади.

Маълумот учун, байрамдан олдинги куни ишнинг давомийлигини қисқартириш имкони бўлмаган узлуксиз ишлайдиган ташкилотларда ва айрим турдаги ишларда ортиқча ишлаганлик ходимга қўшимча дам олиш вақти бериш ёки ходимнинг розилиги билан иш вақтидан ташқари иш учун белгиланган нормалар бўйича ҳақ тўлаш орқали компенсация қилинади.

• Байрам
• Dam olish kuni
• Hayit
• Ish beruvchi
• Ishchi
• Меҳнат ҳуқуқи
• Ramazon