Сайловда мамлакатни 1994 йилдан бери бошқариб келаётган Александр Лукашенко ҳам ўз номзодини қўйган ҳолда қатнашмоқда. Лукашенко билан қўшиб ҳисоблаганда умумий беш нафар номзод иштирок этмоқда.

Айни дам, мамлакат мухолифати етакчиларининг деярли барчаси чет элга кетишга мажбур бўлган ёки қамоқхоналарда сақланмоқда. Хорижий давлатда яшовчи Беларус мухолифати етакчиларидан бири Светлана Тихановская сайлов жараёнини “сохталаштирилган ва нодемократик” деб атаган.

Беларус провайдерлари маҳаллий вақт билан 25 январь куни соат 10:00 дан 27 январь соат 23:59 гача чет давлатлардан виртуал ҳостингга киришни чеклаган. Бу ҳақда Беларусдаги энг йирик домен рўйхатга олувчиси ва IT инфратузилмаси етказиб берувчиси Hoster маълум қилди.

Маълум қилинишича, ушбу чоралар “ахборот инфратузилмаси объектлари ва улар ёрдамида қайта ишланадиган маълумотларга таҳдид”нинг олдини олиш билан боғлиқ.

“Беларусдаги сайтлардан аксарияти виртуал ҳостингда жойлашган бўлиб, шу сабабли, сайтларга чет элдан кириш чекланади”, — дея тушунтириш берган Hoster бош директори Сергей Павалисов.

• Беларусь
• Лукашенко
• Президент
• saylov