31°
Кечаси 15°
Ўзбекистон Республикаси Қишлоқ хўжалиги вазирлиги ижтимоий тармоқларда тарқатилган “Пахта терими учун килограммига 1 800 сўм тўланади” мазмунидаги хабар юзасидан қуйидагиларни маълум қилди:
“Жорий йилда пахта терими нархлари қуйидагича белгиланди:
– Машина ёрдамида терилган пахтанинг 1 кг учун – 1 373 сўм;
– Қўл меҳнати билан терилган пахтанинг 1 кг учун – 2 000 сўм тавсиявий нарх белгиланган бўлиб, терим вақтида кластер, фермер хўжалиги раҳбарлари ва теримчилар ўртасида ўзаро келишув асосида терим нархи мустақил белгилаш амалиёти ҳам қўлланилади;
– Шунингдек, пахта етиштириш харажатларини қоплаш мақсадида давлат бюджети ҳисобидан 1 килограмм пахта учун 1 000 сўм субсидия ажратилади.
Ушбу тартиб пахта етиштирувчилар манфаатини ҳимоя қилиш, теримчилар меҳнатини рағбатлантириш ва аграр соҳада барқарорликни таъминлашга қаратилган”.
Вазирлик, шунингдек, ижтимоий тармоқларда тарқатилган “1 кг – 1 800 сўм” ҳақидаги хабар ҳақиқатга тўғри келмаслиги ва расмий ҳужжатлар билан тасдиқланмаганлигини таъкидлаб ўтган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
