Миср шимолидаги Матруҳ вилоятида йўловчи поездининг бир неча вагонлари рельсдан чиқиб кетиши оқибатида 3 киши ҳалок бўлди, 54 киши турли даражада жароҳат олди.

Бу ҳақда мамлакат Соғлиқни сақлаш вазирлиги маълум қилди.

“Искандариядан Мерса-Матруҳ шаҳрига кетаётган поезднинг бир нечта вагонлари Матруҳ вилоятида ағдарилиб, рельсдан чиқиб кетди. Ҳодиса оқибатида уч киши ҳалок бўлди, яна 54 киши жароҳат олди”, - дейилади вазирлик матбуот хизмати хабарида.

Миср бош вазирининг саноат ва транспорт бўйича ўринбосари Камел ал-Вазир ҳодиса сабабларини ўрганиш ва айбдорларни максимал даражада жазолаш учун қўмита тузишни буюрган.

• Halokat
• Misr
• Поезд