Қашқадарёда эркак довучча “ўғирлаган” 5 нафар болага таҳдид қилгани акс этган видеога Болалар омбудсмани муносабат билдирди.

Ижтимоий тармоқларда эркак вояга етмаган 5 нафар болаларни унинг боғидан довучча узгани учун уларга зарар етказиш билан оғзаки таҳдид қилиб қўрқитгани акс этган видео тарқалди.

Мазкур ҳолат ҳозирда Болалар омбудсмани томонидан ИИВ билан биргаликда ўрганилмоқда.

“Болалар омбудсмани шуни қатъий таъкидлайдики, бу каби номақбул ҳаракатлар болаларга нисбатан нафақат руҳий зўравонлик ва таҳдид, балки боланинг шаъни ва қадр-қимматини оммавий таҳқирлаш ҳам ҳисобланиб, унинг руҳий-эмоционал соғлиғига жиддий зарар етказади.

Бундай ноқонуний ҳаракат учун тегишли тартибда жавобгарлик чоралари қўлланилиши шарт!

Ўрганиш натижаларига кўра ҳолат юзасидан қўшимча равишда маълумот берилади”, – дейилади хабарда.

• Болалар
• Муносабат
• Qashqadaryo