Ўзбекистон элчихонаси  томонидан Полшадаги депортация марказларида бўлиб турган ватандошларимиз оиласи бағрига қайтарилди. Ўзбекистон элчихонаси дипломатлари Полша Чегара хизмати мутасаддилари билан олиб борган музокаралар натижасида, ушбу давлатда ноқонуний тарзда бўлиб турганликлари сабабли 2 ойдан зиёд вақт давомида депортация марказида сақланиб келаётган Т.Ж., А.Б. ва  К.С.ни Ватанга қайтариш юзасидан келишувга эришилди.

Ҳамюртларимиз жорий йил 30 август куни “Тошкент-Варшава” йўналиши бўйича “ЛО189” авиарейси орқали Ўзбекистонга боради.

Мазкур инсонпарварлик кўмаги Ўзбекистонда 30 июлдан 30 августга қадар эълон қилинган “Ватанга қайтариш” акцияси доирасида амалга оширилди.

• Акция
• Давлат дастури
• Полша
• Хориж