Бухоро шаҳар А.Ғиждувоний кўчасида яшовчи 2005 йилда туғилган Х.А. ва Бухоро шаҳар А.Сомий кўчасида яшовчи 2005 йилда туғилган А.И. лар бир гуруҳ бўлиб, олдиндан жиноий тил бириктириб, Жондор туманида яшовчи бир қизнинг беҳаё видеоларини тарқатиш ва шарманда қилиш билан қўрқитишган.
2023 йил 6 февраль кунидан бошлаб эса бир неча маротаба ундан пул талаб қилиб олиб, охирги маротаба талаб қилинган 15.000.000 сўмдан 9.900.000 сўм миқдоридаги пулларни олган.
Аммо шу билан ҳам кифояланмасдан яна 4.100.000 сўм миқдоридаги пулларни беришга мажбур қилиш даражасига келтириб қўйган.
Қайд этилишича, қизнинг Бухоро вилояти ИИБга қилган мурожаати асосида ўтказилган тезкор тадбир давомида ушбу икки шахс Бухоро шаҳар Педагогика институти олдида талаб қилинган пулларни олган вақтида ашёвий далил билан қўлга олинган.
Маълум қилинишича, мазкур ҳолат юзасидан Ўзбекистон Республикаси ЖК.нинг 165-моддаси 2-қисми билан жиноят иши қўзғатилиб, ҳозирги кунда дастлабки тергов ҳаракатлари олиб борилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!