Бухоро вилояти Ғиждивон туманида фуқарони имтиҳонсиз ўқишга киритиб қўйишни ваъда қилган педагогика коллежи директорининг ўринбосари қўлга тушди. Бу ҳақда Ички ишлар вазирлиги матбуот хизмати хабар берди.

Қайд этилишича, Бухоро вилояти Ғиждувон туманида ҳуқуқни муҳофаза қилувчи идоралар томонидан тезкор тадбир ўтказилган. Тадбир давомида аниқланишича, Вобкент туман педагогика коллежи директор ўринбосари шу туманида яшовчи, 1983 йилда туғилган М.О. мазкур коллежнинг мактабгача таълим факултети сиртқи йўналишига бир фуқарони имтиҳонларсиз ўқишга киритишни ваъда қилган.

Шундан сўнг, фирибгарлик йўли билан туманнинг “Гаждумак” маҳалласи Оқгул қишлоғида жойлашган “Ал-жахон” кафесида фуқародан кимёвий ишлов берилган 200 АҚШ долларини олаётган вақтда ҳуқуқ тартибод органи ҳодимлари томонидан ашёвий далиллар билан жиноят устида ушланган.

Хабарга кўра, мазкур ҳолат юзасидан фуқаро M.O.га нисбатан Ўзбекистон Республикаси Жиноят кодексининг 168-моддаси 3-қисми билан жиноят иши қўзғатилиб дастлабки тергов ҳаракатлари олиб борилмоқда.

• Бухоро
• Фирибгарлик
• Kollej