Бухоро вилоятида ўз уйида фоҳишахона ташкил қилган шахс аниқланди. Бу ҳақда вилоят ИИБ матбуот хизмати хабар берди.

Қайд этилишича, Жондор тумани ИИБ ходимлари томонидан навбатдаги “Орият” тезкор профилактик тадбири ўтказилган. Ушбу жараён давомида жорий йил 23-январ куни соат 23:00 ларда тумандаги “Навгади” маҳалласида яшовчи, 1950-йилда туғилган М.А. исмли эркак ўз хонадонида бошқа фуқаролар М.У. исмли эркак ва Қ.У. исмли аёлнинг жинсий алоқа қилиши учун 50.000 сўм эвазига шароит яратиб бериб, фохишахона сақлаганлиги фош этилган.

Мазкур ҳолат юзасидан туман ИИБ Тергов бўлими томонидан М.А. исмли шахсга нисбатан Ўзбекистон Республикаси Жиноят Кодексининг 131-моддаси 2-қисми билан жиноят иши қўзғатилиб, дастлабки тергов ҳаракатлари олиб борилмоқда.

• Бухоро
• Фоҳишабозлик