“Ўзгидромет”нинг маълум қилишича, якшанба куни ҳаво сезиларли даражада салқинлашади.

Иссиқ бироз пасайишига қарамай, бугун ва эртага Ўзбекистон ҳудуди бўйича кундуз кунлари +38...+40 даража атрофида, республика жанубида +41...+43 даражагача бўлган нисбатан юқори ҳаво ҳарорати сақланиб туради.

Якшанба куни ҳаво сезиларли даражада салқинлашади, ҳарорат +34...+37 даражагача, жанубда +38...+39 даражагача пасайиши маълум қилинди.

Ўзбекистоннинг барча ҳудудлари бўйича ёғингарчилик кутилмайди. Республика бўйича баъзи жойларда шамол тезлиги 13–18 метр/сониягача кучайиши, чанг-тўзонлар билан кузатилиши мумкин.

Тошкент шаҳрида ҳаво бироз булутли, вақти-вақти билан ўзгарувчан бўлади, ёғингарчилик кутилмайди. Шамол бироздан ўртача тезликкача эсади.

Ҳарорат кундуз кунлари 25–26 июлда +38...+40 даража, 27 июлда +35...+37 даража, кечалари эса асосан +22...+25 даража бўлади.

• Об-ҳаво
• Ўзгидромет