Бугун, 26 июль куни соат 01:05 ларда Шайхонтоҳур тумани Нурафшон кўчасида ҳайдовчи 2005 йилда туғилган Б.Б. Spark русумли автомашинасини бошқариб кетаётиб, руль бошқарувини йўқотиб, бетон устунга тўқнашиши оқибатида йўл транспорт ҳодисаси содир бўлган. Бу ҳақда, Тошкент шаҳар ИИББ ЙҲХБ ахборот хизмати хабар берди.

ЙТҲ оқибатида ҳайдовчи олган тан жароҳатлари туфайли вафот этган. Шунингдек, автомашина ичида бўлган яна 1 нафар йўловчи 2004 йилда туғилган А.Ж.га шифокорлар томонидан биринчи тиббий ёрдам кўрсатилган.

Мазкур ҳолат юзасидан Тошкент шаҳар ИИББ Тергов бошқармаси томонидан Ўзбекистон Республикаси Жиноят кодексининг 266-моддаси 2-қисми билан жиноят иши қўзғатилиб, тергов ҳаракатлари давом этмоқда.

“Барча йўл ҳаракати қатнашчиларидан қоидаларга риоя қилишларини тезликни белгиланган меъёрлардан оширмасликларини сўраймиз”, – дейилади хабарда.

• Спарк
• Тошкент
• YTH