Ўзбекистон дунё мамлакатларидаги интернет тезлиги бўйича жаҳон рейтингида 103 давлат орасида 71-поғонадан жой олган. Бу “Speedtest Global Index”нинг 2025 йил июнь ойидаги маълумотларида келтирилган.

Маълум қилинишича, Ўзбекистонда мобил интернетнинг ўртача тезлиги 55,78 Мбит/секундни ташкил этган. “Speedtest Global Index” маълумотларига кўра, Қозоғистон мобил интернетнинг ўртача тезлиги бўйича МДҲ мамлакатлари орасида биринчи, Ўзбекистон эса 3-ўринни эгаллаган. Мобил интернетнинг ўртача тезлиги бўйича дунё рейтингида БАА 546,14 Мбит/секунд кўрсаткич билан биринчи ўринда қайд этилган. Ундан кейинги ўринда 517,44 Мбит/секунд билан Қатар, 378,45 Мбит/секунд кўрсаткич билан Қувайт учинчи поғонадан жой олган. Кучли ўнликда Баҳрайн (236,77 Мбит/с), Бразилия (228,89 Мбит/с), Болгария (224,46 Мбит/с), Жанубий Корея (218,06 Мбит/с), Хитой (201,67 Мбит/с), Саудия Арабистони (198,39 Мбит/с) ҳамда Дания (196,27 Мбит/с) жойлашган.

Рейтингнинг энг қуйи поғонасида Эсватини 18,36 Мбит/секунд билан 101-поғонада, Беларус 17,97 Мбит/секунд билан 102-ўринда ҳамда Боливия 13,192 Мбит/секунд билан 103-ўринда қайд этилган.

• Интернет
• Ўзбекистон
• Tezlik