31°
Кечаси 18°
AP News хабарига кўра, Украина Қўшма Штатлардан 322 миллион долларлик қурол-яроғ сотиб олади. АҚШ давлат департаменти томонидан 23 июль куни тасдиқланган пакет ҳаво ҳужумидан мудофаа ва қуруқлик техникаларни ўз ичига олади.
АҚШ Конгрессига юборилган хабарнома матнига кўра, Қўшма Штатларда ишлаб чиқарилган зирҳли техникаларни сотиб олиш, техник хизмат кўрсатиш, таъмирлаш ва модернизация қилиш учун 150 миллион доллар, зенит-ракета тизимлари учун эса 172 миллион доллар ажратилган. Умумий олганда, пакетнинг қиймати 322 миллион долларни ташкил этади.
Олдинроқ Пентагон раҳбари Пит Хегсет Украинага қурол-яроғ етказиб беришни тўхтатишга кўрсатма берганди. АҚШ мудофаа вазири буни мамлакат ўз қурол-яроғ захираларини баҳолаши лозимлиги билан изоҳлаган. Бироқ масалага Оқ уй аралашгач, Қўшма Штатлар Украинага қурол-яроғ етказиб беришни тиклади. Бироқ эндиликда улар учун тўловни Европа ўз зиммасига олади.
“Биз шундай қилишимизга тўғри келади. Улар ўзларини ҳимоя қила олишлари лозим. Украина ҳозир қақшатқич зарбалар остида. Биз яна бирмунча қурол-аслаҳа юборамиз — биринчи навбатда мудофаа қуролларини”, деган эди Трамп.
Россия Украинага кенг кўламли босқин бошлаган 2022 йил февралидан буён Вашингтон томонидан қиймати Киевга 67 миллиард доллардан ортиқ қурол-яроғ ва ҳарбий техникалар етказиб берилгани маълум қилинган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
