Ҳиндистон даҳшатли жазирама тўлқинини бошдан кечирмоқда. Бир қанча шаҳарларда ҳаво ҳарорати Цельсий бўйича 45 даражадан ошиб кетган ва ўнлаб одамлар жазирамадан нобуд бўлмоқда. 29 май куни 52,9 даража иссиқ ҳарорат қайд этилди. Шаҳардаги қушлар ва ёввойи маймунлар иссиқдан ҳушидан кетмоқда. Бу ҳақда “ББC” хабар берди.

Қай этилишича, экстремал об-ҳаво мамлакат бўйлаб аллақачон камида 50 киши ҳаётига зомин бўлди. Ҳиндистон бутун мамлакат бўйлаб иссиқликдан ҳалок бўлганларнинг умумий сонини эълон қилмайди. Айни пайтда мамлакатда умумхалқ сайловлари ўтказилмоқда. Уларни ташкиллаштиришда қатнашаётганлар ҳам иссиқдан вафот этмоқда.

Сайлов олти ҳафта давом этади, у етти босқичда бўлиб ўтади ва кўплаб сайловчилардан кун бўйи, кўпинча очиқ ҳавода навбатчилик қилишни талаб қилади.

Пайшанба куни Бихар штатида жазирама туфайли 14 киши ҳалок бўлди, дея хабар беради расмий манбалар. Улардан 10 нафари сайловларни ташкиллаштиришда иштирок этган.

Ҳиндистоннинг энг зич жойлашган штати Уттар-Прадешда жума куни камида тўққиз нафар сайлов комиссияси ходими, жумладан қўриқчилар ҳалок бўлди, деб хабар бермоқда “Реутерс”.

“Уларни олиб келишганда ҳароратлари юқори бўлган. Бунга иссиқлик уриши ҳам сабаб бўлиши мумкин. Биз ҳозирда сайловдан олиб келинган камида 23 кишини даволаяпмиз”, деди жабрланганлар олиб келинган тиббиёт муассасаси директори журналистларга.

• Ҳиндистон
• Jazirama