Аввалроқ “Dili.me” тахаллуси билан танилган блогер Дилшод Ўрозбоев (Назаров)га нисбатан жиноят иши қўзғатилгани ҳақида хабар берган эдик. Ушбу ҳолат юзасидан Тошкент шаҳар Ички ишлар бош бошқармаси муносабат билдирди.

Қайд этилишича, 1999 йилда туғилган таниқли блогер Дилшод Ўрозбоев (Назаров) жорий йилнинг 23 январь куни фуқаро P.A.ni уриб тан жароҳати етказган.

Ижтимоий тармоқларда тарқалган хабарларга кўра, блогер ўз синглисининг турмуш ўртоғини калтаклаган. Бунга куёв П.А. блогернинг синглисини ургани сабаб қилиб кўрсатилмоқда. Қайд этилишича, Ўрозбоев (Назаров)нинг куёви у билан тенгдош.

Ҳозирча П.А. блогернинг синглисини калтаклагани ҳақида расмий маълумот берилмади.

• Блогер
• Жиноят