Туркия президенти Ражаб Тоййиб Эрдўған Халич университетида “аёллар ва демократия” жамғармаси томонидан ташкил этилган “сунъий интеллект ва аёллар” мавзусига бағишланган 6-халқаро “аёллар ва адолат” саммитининг очилиш маросимида нутқ сўзлади.

Президент ўз нутқида шундай деган: “АҚШ президенти этиб сайланган Жаноб Трамп билан телефон орқали суҳбатда биз уни тарихий сайлов ғалабаси билан табрикладик ва Ғазо ҳамда Ливандаги қирғинларга эътибор қаратдик. Трамп ўзининг иккинчи президентлик муддати давомида собиқ маъмуриятнинг нотўғри сиёсатидан воз кечишини кутамиз”.

Шунингдек, Туркия давлати раҳбари ўз нутқини қуйидаги сўзлар билан давом эттирган: “Урушлар, можаролар ва вайронагарчиликлар нафақат шаҳарлар, мамлакатлар ва уй хўжаликларига таъсир қилади. Уларнинг қурбонлари бегуноҳ, ночор, заиф, кекса, болалар ва энг аввало аёллардир”.

Қайд этилишича, сўнгги 13 ой ичида Ғазода ўлдирилган 50 мингдан ортиқ бегуноҳ одамларнинг учдан икки қисми аёллар ва болалардир.

• Эрдоған
• Трамп