Хитой Британия Мудофаа вазирлиги ҳарбий хизматчилари ва ходимларининг шахсий маълумотлари билан базани бузишда алоқаси йўқлигини айтди. Аввалроқ, Sky News ва BBC телекомпанияси хакерлик ҳақида маълумот берган эди.

Ҳужум ортида ким тургани ҳозирча номаълум, бироқ Sky News аввалроқ ҳукуматдаги манбаларга таяниб, хитойлик хакерларнинг иштироки ҳақида ёзган эди.

Хитойнинг Лондондаги элчихонаси вакили хакерлик билан боғлиқ айбловлар “бутунлай уйдирма ва зарарли туҳмат” эканлигини айтган.

Шунингдек, у Буюк Британияни “киберхавфсизликни сиёсийлаштиришда” айблаб, Хитойнинг воқеага алоқадорлиги тўғрисида далиллар йўқлигини таъкидлаган.

Британия бош вазири Риши Сунак хакерлик ҳақидаги маълумотларга изоҳ берар экан, Хитойнинг бунга бевосита алоқадорлиги ҳақида гапирмаган, аммо Пекин ўзини “чет элда авторитар ва қатъиятли” тутишини таъкидлаган.

• Буюк Британия
• Мудофаа
• Rishi Sunak
• Хитой
• xaker