АҚШнинг собиқ етакчиси Дональд Трамп Нью-Йоркда Польша Президенти Анжей Дуда билан учрашди. Трамп тегишли видеони кеча, 17 апрель куни ижтимоий тармоқлардаги саҳифасида эълон қилди.

Дуда 17-18 апрель кунлари амалий ташриф билан АҚШда бўлиб турибди. “Виртуална Полска” портали икки сиёсатчи ўртасидаги учрашувни АҚШнинг Варшавадаги собиқ элчиси Жоржетт Мосбахер ташкил қилаётгани ҳақида хабар берган.

“Польша Президенти Анжей Дудани Нью-Йоркда кутиб олишдан мамнунман”, дея изоҳ берган Трамп эълон қилинган видеога.

Шунингдек, Польша Президенти девони вакили Войчех Коларскийнинг маълум қилишича, Америка томони Дуданинг март ойида Вашингтонда АҚШ президенти Жо Байден билан музокаралари олдидан Польша раҳбарига ушбу ташриф давомида Трамп билан учрашмасликни таклиф қилган.

• Полша
• Трамп