Xabardor.uz таҳририяти қўлга киритган маълумотларга кўра, телеканалнинг барча ходимларига ё рус тили форматига мослашиш ёки бошқа иш қидириш таклифи берилган.

Телеканал раҳбарияти бу ўзгаришни “русийзабон аҳолига Ўзбекистон ҳақидаги холис вазият ва ислоҳотларни тўлақонли етказиш” деб изоҳлаган.

Шунингдек, МТРК раиси ҳузурида ўтказилган мажлисда бунга сабаб миллатлараро тотувлик ва дўстлик муносабатлари, деб таъкидланган. Мажлис якунига кўра, жорий йилнинг 1 июлидан телеканал ўз фаолиятини тўлиқ рус тилида давом эттиради.

Шу ўринда МТРК раҳбариятига, жумладан, телеканал раҳбари Нодир Тулягановга қатор саволлар пайдо бўлмоқда: ўзбекзабон аҳоли нима қилсин? 

Ўзбекистоннинг 90 фоизидан ортиғини ўзбек тилида сўзлашувчилар ташкил қилиши ва 2022 йилда Ўзбекистон МТРК (жумладан, 23 та ҳудудий бўлинмалари) учун халқ пули (бюджет)дан 561,4 млрд сўм ажратилаётгани юқоридаги сингари қарорларни қабул қилаётганларида эътиборга олинадими-йўқми?

Ходимларни тўсатдан ишдан бўшатиб юборишга меҳнат қонунчилиги йўл қўядими? 

Ўзбек тили ва унинг қадрини юксалтириш ҳақидаги баландпарвоз гапларимиз қаерда қолди?

Азиз ўқувчи, изоҳларда сиз ҳам истеъмолчи ва солиқ тўловчи сифатида ўз фикрларингизни ёзиб қолдиринг! Зеро, айни вазиятларда жамоатчиликнинг фикри ва қизиқишлари муҳим.

• Dunyo bo‘ylab
• Ўзбек тили
• Телеканал