Янги йил байрами олдидан ижтимоий ҳимояга муҳтож, эҳтиёжманд оила фарзандлари, етим ёки ота-онасининг қарамоғидан маҳрум бўлган талаба хотин-қизларнинг олий таълим олишини қўллаб-қувватлаш мақсадида Қашқадарё вилоят ҳокими Муротжон Азимов томонидан муҳим қарор қабул қилинди.

Ушбу қарорга кўра, вилоятдаги 134 нафар талабанинг олий ўқув юртларида ўқиши учун тўлов шартномалари билан боғлиқ харажатларига қарийб 1 млрд 128 млн сўм маблағ ажратилибди.

“Бу рағбат хотин-қизлар учун катта имкониятлар яратади. Кўплаб талаба қизлар молиявий қийинчиликлар сабабли олий таълим олиш имкониятидан маҳрум бўлиши мумкин эди, лекин вилоят ҳокимининг бу ташаббуси уларнинг келажакда юқори малакали мутахассис бўлишлари учун йўл очади”, – дейилади ҳокимлик хабарида.

• Ҳокимлик
• Qashqadaryo
• ҳоким