Ўзбекистон Транспорт вазирлигининг Тошкент шаҳри, Шайхонтоҳур туманидаги биноси онлайн аукционда 187,7 миллиард сўмга сотилди.

Аукцион бир соат-у 17 дақиқа давом этди. “Самарадор” МЧЖ бошланғич нарх (110,4 млрд сўм) дан 70 фоиз кўпроқ таклиф қилган ҳолда ғолиб чиқди.

Ушбу МЧЖ 2017 йилда Қорақалпоғистонда рўйхатдан ўтган. Унинг барча улуши тадбиркор Бахтиёр Маҳкамовга тегишли. Маҳкамов, шунингдек, Euroroads, Vision soft, Cyber soft space, Nomadiary, Angelvest, Euro-роад каби компанияларда ҳам улушларга эгалик қилади.

Транспорт вазирлиги бошқа идоралар сингари қурилишлар якунлангач, Янги Тошкентга кўчиб ўтади. Аввалроқ, Президент Шавкат Мирзиёев барча ижро этувчи органлар босқичма-босқич Янги Тошкентга кўчирилишини маълум қилганди.

• Аукцион
• Transport vazirligi
• savdo