Аввал хабар берилганидек, 26 ноябрь санасида «Eng zoʻr-2022» тақдирлаш маросими бўлиб ўтади.

Шу куни Ўзбекистон футболидаги йилнинг энг яхшилари жамоатчилик гувоҳлигида аниқлаб олинади.

Ўзбекистон футбол ассоциацияси ҳамда Профессионал футбол лигаси ҳамкорлигида ташкил этилаётган маросим лауреатлари босқичма-босқич эълон қилинмоқда.

Жумладан ҳозиргача 3 нафар номинация бўйича номзодлар эълон қилинди. Булар:

Футзал. Йил мураббийи бўлишга номзодлар:

- Фузулий Хайруллаев («Оил Стар»)

- Нодир Элибоев (Ўзбекистон футзал терма жамоаси ва «БМБ»)

- Баҳодир Аҳмедов (Ўзбекистон футзал терма жамоаси ва «Жиззах-Кентекс»)

- Александр Петров (АГМК)

Футзал. Йил футзалчиси бўлишга номзодлар:

- Равшан Элибоев (Ўзбекистон футзал терма жамоаси ва «БМБ»)

- Ихтиёр Ропиев (Ўзбекистон футзал терма жамоаси ва «Жиззах-Кентекс»)

- Даврон Чориев (Ўзбекистон футзал терма жамоаси ва «БМБ»)

- Ҳусниддин Нишонов (Ўзбекистон футзал терма жамоаси ва «БМБ»)

Футбол. Ёш юлдуз бўлишга номзодлар:

- Аббосбек Файзуллаев (Ўзбекистон У23 ва У20 терма жамоалари ва «Пахтакор»)

- Умарали Раҳмоналиев (Ўзбекистон У20 терма жамоаси ва «Бунёдкор»)

- Пўлатхўжа Холдорхонов (Ўзбекистон У20 терма жамоаси ва «Олимпик»)

- Хислат Ҳалилов (Ўзбекистон У20 терма жамоаси ва «Соғдиёна»)

Футбол. Йилнинг энг яхши мураббийи бўлишга номзодлар:

- Рўзиқул Бердиев («Насаф»)

- Самвел Бабаян («Навбаҳор»)

- Тимур Кападзе (Ўзбекистон У23 терма жамоаси ва «Олимпик»)

- Максим Шатских («Пахтакор»)

Анъанага кўра, энг асосий номинациялар ғолиблари спорт журналистлари овозига кўра аниқланади. Ички лигалар таснифида эса энг кучлилар мавсум давомида мураббийлар, футболчилар, ОАВ вакиллари ҳамда мухлислар овозларига кўра аниқлаб келинмоқда.

Шунингдек, ташкилотчилар ўзбек футболи ривожига ўз ҳиссасини қўшиб келаётган яна қатор инсонларни тақдирлашни режалаштирган.

• Эътироф
• Футбол
• Футзал
• Ўзбекистон