Эрон пойтахти Теҳрон шаҳрида ҳавонинг жиддий ифлосланиши сабаб 24–25 ноябрь кунлари барча мактаб ва олий ўқув юртлари фаолияти вақтинча тўхтатилди.

Маълум қилинишича, бундай қарор аҳоли саломатлигини муҳофаза қилиш мақсадида қабул қилинган. Ҳаво сифатини назорат қилиш ташкилоти маълумотларига кўра, пойтахтда 2025 йил бошидан буён бор-йўғИ 6 кун тоза ҳаво кузатилган.

Мутахассислар маҳаллий аҳолини эҳтиёт чораларига риоя қилишга ва иложи борича очиқ ҳавода бўлишни чеклашга чақирмоқда.

Маълумот учун, IQAir платформасига кўра, Теҳрон шаҳри айни дам ҳаво ифлосланиши бўйича дунёнинг пойтахт ва бошқа йирик шаҳарлари рейтингида 10-ўринда турибди. Тошкент эса 8-ўринни “банд” этган.

• Eron
• Havo
• Ifloslanish