Жорий йилнинг 17 январь куни Россия президенти Владимир Путиннинг Эрон Ислом Республикаси Президенти Масъуд Пезешкиён билан музокаралари бўлиб ўтиши белгиланган. Шу муносабат билан Эрон президенти Россияга ташриф буюрган.

Россия оммавий ахборот воситаларининг хабар беришича, бортида Эрон президенти бўлган самолёт Москва вақти билан соат 10:17 атрофида Внуково-2 аэропортига қўнган.

Самолётдан чиқаётганда Пезешкиённи энергетика вазири Сергей Сивилев бошчилигидаги Россия делегацияси кутиб олган. Учрашувда икки томонлама ҳамкорликни, шу жумладан савдо-инвестиция, транспорт-логистика ва гуманитар соҳалардаги ҳамкорликни янада кенгайтириш истиқболлари, шунингдек, минтақавий ва халқаро кун тартибининг долзарб масалалари муҳокама қилиниши кутилмоқда.

• Eron
• Президент
• Россия
• Ташриф