АҚШнинг сайланган президенти Доналд Трамп ўзининг инаугурацияси арафасида Вашингтондаги Capital One Арена мажмуасида ўз тарафдорларининг митингида нутқ сўзлаб, давлат раҳбари бўлган биринчи кундаёқ кўплаб фармонларни имзолашга ваъда берди.

“Биз ғалаба қозондик!” – деди Трамп нутқ бошида оломоннинг қичқириғига.

Унинг сўзларига кўра, янги маъмурият “Вашингтондаги муваффақиятсиз муассаса ҳукмронлигини тугатиш” ва “Американи яна буюк қилиш” ниятида.

“Эртага тушда Американинг тўрт йиллик таназзулининг пардаси ёпилади ва биз Америка кучи ва фаровонлиги, қадр-қиммати ва ғурури учун мутлақо янги бобни бошлаймиз”, – дейди сайланган президент Трамп.

Шунингдек, у бугун инаугурация нутқида аниқ чораларни эълон қилишни ваъда қилиб, Америка чегарасидаги ноқонуний муҳожирларнинг “босқини”ни тўхтатишга алоҳида эътибор қаратишини таъкидлаган.

“Мутахассисларнинг таъкидлашича, унинг миллионлаб ноқонуний муҳожирларни депортация қилиш ҳақидаги ваъдаси катта логистика қийинчиликларига дуч келади ва ўнлаб ёки юзлаб миллиард долларга тушиши мумкин”, – деб ёзади BBC мухбирлари.

Трамп бугун 200 дан ортиқ ҳужжатларни, шу жумладан ижроия фармонлари ва бошқа президент буйруқларини имзолаши кутилмоқда.

Шунингдек, Трамп ўз нутқида Ғазодаги сулҳ шартномаси ва TikTok ижтимоий тармоғидаги вазиятга ҳам тўхталиб ўтган. Бундан ташқари, Украинадаги урушни тугатишни ваъда қилган.

• АҚШ
• Трамп