Техник миллиардерлар июнь ойида Маск Х (аввалги Тwitter)да “қафасдаги жангга тайёрман” деб ёзганида, жанг қилишга рози бўлишди. Цукерберг Маскнинг чақирувига жавоб бериб, “локация юборишни” сўради.

Бироқ кеча, 13 август куни Цукерберг Илон Маск жанг борасида “жиддий эмас”лиги ва “ҳамма ўз йўналишида ҳаракат қилиш вақти келганини” айтди.

Илон Маск эса, ўтган ҳафтада Х'даги саҳифасига пост жойлаб, оғир буюмлар кўтариш орқали жисмоний машқлар қилаётгани ва жангга тайёрланаётганини айтганди. Кейинроқ эса, у соғлиғида жиддий ўзгаришлар бўлаётгани ва Цукерберг билан қафасдаги жангни теледебат тариқасида ўтказиш ҳақида ўйлаётганини маълум қилди. Бу эса тармоқ фойдаланувчилари томонидан жиддий эътирозга сабаб бўлиб, “Илон Маск Facebook асосчисидан қўрқди”, деган фикрни уйғотди.

"Мен ҳақиқий учрашувни таклиф қилдим. Дана Уайт хайрия учун курашни таклиф қилди. Агар Илон қачондир ҳақиқий сана ва расмий тадбир ҳақида жиддий гапирса, у мен билан қандай боғланишни билади. Акс ҳолда, давом этиш вақти келди. Мен яхшиси спортга жиддий ёндаша оладиган одамлар билан рақобат қилишга диққатимни қаратаман”, – деб ёзади Марк Цукерберг.

Илгари Илон Маск жанг Италиядаги “эпик жой” колизейда бўлиб ўтишини таклиф қилганди. У стриминг имкониятлари ва тахмин қилинган воқеа учун қадимий муҳит ҳақида гапириб, Италия Бош вазири Гиоргиа Мелони билан гаплашганини айтди. Бироқ вазир бу суҳатни рад қилиб, ҳеч қандай ҳолатда колизейда жанг қилиб бўлмаслигини маълум қилди.

39 ёшли Facebook асосчиси Марк Цукерберг анчайин жиддий “жангчи” бўлиб, аллақачон аралаш яккакурашлар (ММА) бўйича шуғулланган, шунингдек, 2023 йил бошида у жиу-житсу турнирларида ҳам ғолиб чиққан.

• Facebook
• Ilon_Mask
• Цукерберг
• Twitter