Йил охирига қадар Фарғонада электромобиль ишлаб чиқариш йўлга қўйилади. Бу ҳақда вилоят ҳокимлиги ахборот хизмати хабар берди.

Қайд этилишича, ишлаб чиқариш Фарғонадаги “Central Asia Motors” корхонаси негизида йўлга қўйилади.

Вилоят ҳокими Хайрулло Бозоров электромобиллар учун эҳтиёт қисмларни ишлаб чиқаришни ўзлаштириш ҳамда енгил ва юк электромобилларини ишлаб чиқариш лойиҳаси бўйича қилинган ишларни кўздан кечирган.

Корхонада, шунингдек, электромобиллар учун кузов, қувватлаш станцияси, аккумулятор эҳтиёт қисмлари ишлаб чиқарилиши маҳаллийлаштирилади.

Таъкидланишича, лойиҳанинг умумий қиймати 50 миллион долларга баҳоланмоқда. Шундан 40 миллион долларни тўғридан-тўғри хорижий инвестициялар ташкил этади.

Йилига 10 минг дона автомобиль ишлаб чиқариш, унинг 40 фоизини экспортга йўналтириш режалаштирилган.

• Электромобил
• Фарғона