Фарғона вилоятининг Фарғона туманида фуқаро ўз уйида қиморхона ташкил этгани маълум бўлди. Бу ҳақда Фарғона вилояти ИИБ Ахборот хизмати хабар берди.

Маълум қилинишича, 15 октябрь куни туман ИИБ ЖҚБ ва ДХХ ходимлари ҳамкорликда ўтказилган тезкор тадбир давомида, Кончилар маҳалла ҳудудида яшовчи М.Р яшаш хонадонида қонунга хилоф равишда қиморхона ташкил этиб, фуқаролар У.Н, Т.С ва С.М.ларга таваккалчилика асосланган қимор ўйини ўйнашлари учун шарт-шароит яратиб берганлиги аниқланиб, жами 28.238.000 сўм ва 800 АҚШ доллари ва 148 дона ўйин карталари далилий ашё тариқасида олинган.

Мазкур ҳолат юзасидан Фарғона тумани ИИБ ҳузуридаги тергов бўлими томонидан М.Р.га нисбатан Жиноят кодексининг 278 моддаси 1 қисми (қиморхона ташкил этиш) билан жиноят иши қўзғатилиб, тергов ҳаракатлари олиб борилмоқда.

Фуқаро мазкур жиноят ортидан 7 йилгача озодликдан маҳрум этилиши мумкин.

• Фарғона
• Қимор