Фарғона вилоятидаги “Охунбобоев” ва “Марғилон” бекатлари оралиғида Nexia-3 ҳайдовчиси поездни илон изи усулида айланиб ўтишга уринган ва машина поезд тагида қолган. Ҳайдовчи эса шифохонага ётқизилгани маълум қилинмоқда. Бу ҳақда Хабардор.уз’га Ҳаёт Шамсутдинов маълум қилди.

Қайд этилишича, ҳолат 19 февраль куни соат 22:30 атрофида “Охунбобоев” ва “Марғилон” бекатлари оралиғида соат 22:30 атрофида содир бўлган.

38 ёшли енгил машина ҳайдовчиси йўл ҳаракати қоидаларини бузиб, поездни илон изи усулида айланиб ўтишга уринган. Бироқ поезд машинани уриб юбориб тўхтаган. Қайд этилишича, Қўқон локомотив депосига қарашли Ахтачи-Қўқон йўналишидаги юк поезди таркибида 102 та бўш вагон билан ҳаракатланган.

Айни пайтда Фарғона вилояти транспортда хавфсизликни таъминлаш бошқармаси томонидан терговга қадар текширув олиб борилмоқда.

• Фарғона
• Поезд