Флорида штати губернатори Рон Десантис 2024 йилги сайловларда АҚШ президентлиги учун ўз номзодини қўйиш ниятида эканлигини маълум қилди.

“Мен, Рон Десантисман ва Американинг буюк қайтишига раҳбарлик қилиш учун президентликка номзодимни қўймоқдаман”, – дейди сиёсатчи ўз видео мурожаатида.

44 ёшли Десантис 24 май куни АҚШда келаси йилнинг ноябрида бўладиган сайловларда иштирок этиш учун ҳужжатларни топширди. Сиёсатчи ўз партиясидан президентликка номзодини илгари суриш учун Американинг собиқ етакчиси Дональд Трамп билан рақобатлашади. Кўпчиликнинг фикрича, айнан Десантис республикачилар орасида собиқ президентнинг асосий рақиби ҳисобланади.

АҚШда президентлик сайлови 2024 йилнинг ноябрь ойига белгиланган. Трамп 2022 йил ноябрда президентлик учун курашга киришишини эълон қилди. Амалдаги давлат раҳбари Жо Байден ҳам апрель ойида “бошлаган ишини якунлаш” учун иккинчи муддатга ўз номзодини кўрсатишини расман эълон қилди ва сайлов кампанияси веб-сайти ишга туширилди. Агар Байден муваффақиятга эришса, иккинчи президентлик муддати бошида 82 ёшга тўлади ва Америка тарихидаги энг кекса президент сифатида ўзи ўрнатган рекордни янгилайди.

• АҚШ
• Президент
• Трамп
• saylov