Германия Федерал статистика бошқармасининг маълум қилишича, Германия давлат қарзи коронавирус пандемияси ва энергетика инқирозига қарши курашга сарфланган маблағлар ҳисобига рекорд даражада ошиб, 2,37 триллион еврога етган.

Маҳаллий манбаларнинг хабар беришича, 2022 йил охирида федерал, штат, муниципал бирлашмалар ва ижтимоий таъминот органларининг барча қўшимча бюджетларни ҳисобга олган ҳолда умумий қарз 2 трлн 367 млрд 300 млн еврони ташкил қилган. Статистика агентлигининг дастлабки ҳисоб-китобларига кўра, давлат қарзи 46,1 миллиард еврога ёки 2 фоизга ошган.

Қайд этилишича, бу давлат қарзининг сўнгги йиллардаги энг юқори даражаси. Ўтган йилнинг учинчи чораги якуни билан солиштирганда эса қарз 41,9 миллиард еврога ёки 1,8 фоизга ошган.

Қайд этилишича, бу маълумотларда фақат нодавлат сектор – Германия ва хориждаги банклар ҳамда хусусий компаниялар олдидаги мажбуриятлар ҳисобга олинган.