Кеча, 19 майдан бошлаб Тошкент вилоятида қоидабузарликларни 360 даражада аниқловчи қурилма ишга туширилди. Бу ҳақда Йўл ҳаракати хавфсизлиги хизмати хабар бермоқда.
Қайд этилишича, вилоятдаги автомобил йўлларида ЙПХ ходимларига бириктирилган хизмат автомобилларига ўрнатилган 360 даражада қоидабузарликларни аниқловчи махсус қурилма ишга туширилган.
“Бундан мақсад – республика ҳудудида ЙТҲларни олдини олиш, қоидабузарликларга чек қўйиш ва ҳаракатланиш хавфсизлигини таъминлаш”, – дейилади хабарда.
Янги қурилма йўлларда автомобилларнинг 7 та қоидабузарлик ҳаракатини аниқлайди.
Қурилма тўхтаб турганда ва ҳаракат давомида ҳам қуйидаги қоидабузарликларни аниқлайди:
– ўзи билан бир йўналишда ва қарама-қарши йўналишдаги транспорт воситалари ҳайдовчилари томонидан тўхташ ва тўхтаб туриш;
– ҳаракатланиш тезлигини меъёридан ошириш;
– светофорнинг тақиқловчи чироғига амал қилмаслик (тўхташ чизиғини босиш);
– йўлнинг қарама-қарши ҳаракатланиш учун мўлжалланган томонига ёки бўлагига чиқиши;
– йўлнинг қатнов қисмидаги чизиқлар билан белгилаб қўйилган талабларга риоя этмаслик;
– йўналишли транспортлар ҳаракати учун мўлжалланган тасмаларга ўтиб ҳаракатланиш ёки тўхташ тартиби ва ушбу тасмада белгиланган талабларни бузиш;
– давлат рақам белгиси орқали автомобиль қидирувда ёки йўқлигини аниқлайди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!