Сўнгги кунларда Ҳиндистон пойтахти Деҳли ва унга туташ туманларда +47,8 даражагача жазирама кузатилган. Бу ҳақда “India Today” нашри хабар берди.

“Якшанба куни симоб устуни бутун Ҳиндистон бўйлаб камида 8 та жойда +47 даражага етди ёки ошиб кетди. Деҳлидаги Нажафгарҳада эса +47,8 даража қайд этилиб, бу туманни сўнгги уч кунда икки марта мамлакатдаги энг иссиқ жойга айлантирди”, — деб ёзди нашр.

Шунингдек, “India Today” маълумотларига кўра, +47 даража ва ундан юқори ҳарорат Харяна, Датиа, Уттар-Прадеш ва Жхансида ҳам кузатилган.

Ушбу юқори иссиқ сабаб Ҳиндистон метеорология департаменти жазирамадан одамларни огоҳлантириб, қуёш нурларидан ҳимояланиш, кўчага пахтали оқиш тусдаги кийимларда чиқиш, соябонлардан фойдаланишга чақирмоқда.

• Ҳиндистон
• Jazirama
• Об-ҳаво