Жаҳон соғлиқни сақлаш ташкилоти эксперти Мария ван Керховенинг таъкидлашича, «omicron» штамми ҳамон фаол мутасияга учраш босқичида. Ҳозир у 600 дан ортиқ субвариантга эга ва ривожланиш жараёни тўхтагани йўқ.

Хусусан, сўнгги пайтларда дунёнинг қатор давлатларида «кракен» номини олган ХББ.1.5 версияси шиддат билан тарқалмоқда.

Таҳлилларга кўра, коронавируснинг бу субварианти гарчи нисбатан енгил асоратлар билан ўтаётган бўлсада, аммо у ўта юқувчанлиги билан ажралиб туради.

Шу боис ХББ.1.5 АҚШ ва Европанинг кўплаб мамлакатларида аллақачон доминант версияга айланиб улгурган.

Айни сабабдан ЖССТ дунё аҳолиси тўлиқ босқичда ва бустер дозада эмланиши зарурлигини такрор-такрор эслатмоқда.

Қайд этилишича, бу тавсияларга, биринчи навбатда, хавф гуруҳига мансуб қатлам — кексалар, сурункали касалликларга чалинганлар, иммунитети заиф кишилар, тиббиёт ходимлари ва ҳомиладор аёллар амал қилишлари керак.

• ЖССТ
• Омикрон
• SSV
• коронавирус