Ўзбекистон Республикаси Вазирлар Маҳкамасининг Маданий меросни ҳимоя қилиш инспекцияси ҳамда Маданий мерос агентлиги “Ичан-Қалъа” давлат музей-қўриқхонасида ўрганиш ишларини олиб борди. Ўрганиш давомида бир қатор камчилик ва муаммолар аниқланган.

Хусусан, айрим ашёларнинг тавсифларига ўзгартиришлар киритилганлиги юзасидан асословчи ҳужжатлар мавжуд эмас деб топилган.

Маданий мерос агентлиги Матбуот хизмати маълумотига кўра, шунингдек, ўрганиш давомида ноёб ашёлар рўйхатига киритилган экспонатлар хатловдан ўтказилган.

"Жами 101 та музей ашёлари кирим китоби тавсифномаларидаги ўлчами, материали, ишланиш услуби ва яратилган даври бўйича мос келмаслиги аниқланди", – дейилади Агентлик берган маълумотда.

Қайд этилишича, маданий меросни ҳимоя қилиш инспекцияси томонидан ўрганиш якунлари бўйича тегишли хат-ҳужжатлар ҳуқуқий баҳо бериш учун ҳуқуқни муҳофаза қилиш органларига тақдим этилган.

• Ичан қалъа
• Маданий мерос
• Хоразм
• музей