2025 йилнинг январь-февраль ойларида Ўзбекистон 192,9 минг тонна мева-сабзавот маҳсулотларини чет эл мамлакатларига 175,1 миллион долларга экспорт қилди. Бу ҳақда Статистика агентлиги хабар берди.

Агентлик маълумотларига кўра, 2024 йилнинг шу даврига нисбатан экспорт кўрсаткичи 23,1 фоизга ёки 58 минг тоннага камайган. Пул кўринишида бу кўрсаткич 16,7 фоизга ошган.

Экспортнинг умумий ҳажми 3,8 фоизни ташкил этди. Бу йил мева-сабзавот экспорти 3,5 миллиард долларга етиши кутилмоқда. Бу ҳақда Шавкат Мирзиёев иштирокида мева-сабзавот маҳсулотлари ишлаб чиқариш, қайта ишлаш ва экспортни кўпайтириш чора-тадбирларига бағишланган видеоселектор йиғилишида сўз юритилди.

• Экспорт
• Ўзбекистон