Айни дамда Президент Шавкат Мирзиёев раислигида эҳтиёжманд аҳолининг ижтимоий ҳимоясини янада кучайтириш чора-тадбирлари юзасидан видеоселектор йиғилиши бўлиб ўтмоқда. 

Йиғилишда Иккинчи жаҳон уруши қатнашчилари рағбатлантирилиши маълум қилинди. 

Унга кўра, 9 май умумхалқ байрами – Хотира ва Қадрлаш куни муносабати билан Иккинчи жаҳон уруши қатнашчилари ва ногиронларига 15 000 000 (ўн беш миллион) сўм миқдорида бир марталик пул мукофоти берилади. Мукофотлар 1 май санасига қадар етказилади.

Шунингдек, ёлғиз ва ижтимоий ҳимояга муҳтож уруш қатнашчилари ва ногиронларининг хонадонлари таъмирланади, ободонлаштирилади.

Хусусан, 9 май байрамига бағишланган асосий театрлаштирилган томоша Тошкент шаҳридаги “Ғалаба боғИ” ёдгорлик мажмуасида ўтказилади.

• Ikkinchi jahon urushi
• Мукофот
• Президент
• Xotira va qadrlash kuni