АҚШ Қимматли қоғозлар ва биржалар комиссияси Илон Маскни 2022 йилда Тwиттерънинг катта улушини сотиб олганини кеч ошкор қилгани учун судга берди. Бу ҳақда Reuters хабар бермоқда.

Миллиардер қимматли қоғозлар бўйича федерал қонунни бузгани айтилмоқда. Сабаби у Twitter акцияларининг дастлабки 5 фоизини сотиб олганини эълон қилишни 11 кунга кечиктирган.

Қоидаларга кўра, инвесторлар 10 календарь кун ичида 5 фоиз акцияга эгалик қилиш чегарасини кесиб ўтгани ҳақида хабар бериши шарт. Маск учун бу муддат 2022 йил 24 мартда тугаган.

Миллиардер 2022 йил 4 апрелгача ўз харидлари ҳақида хабар бермаган. Лекин бу пайтда у компания акцияларининг 9,2 фоизига эгалик қилганди. SEC шу вақт оралиғида у Twitter акцияларини сунъий равишда пасайтирилган нархларда 500 миллион доллардан ортиққа сотиб олгани, бу эса бошқа инвесторларга зарар келтирганини айтди.

• АҚШ
• Ilon_Mask