Бизнесмен ўзининг 2021-йилги рекордини янгилади. “Bloomberg” томонидан эълон қилинган “миллиардерлар индекси”да у биринчи.

Рейтингга кўра, Маскнинг бойлиги ўтган ҳафта давомида 35 миллиард долларга ошган ва ҳозирда 348 миллиард долларга баҳоланмоқда. “Амазон” асосчиси Жефф Безос иккинчи ўринда. Унинг умумий бойлиги 219 миллиард долларга етганлиги айтилган. Кучли учликни “Oracle” раҳбари Ларри Эллисон 206 миллиард доллар билан якунлайди.

Маск учун бу йил омадли бўлди дейиш мумкин. Сабаби, АҚШ президентлик сайловларида ғолиб чиққан Трамп миллиардерни давлат самарадорлигини ошириш бўйича янги вазирликка раҳбарлик қилишга таклиф қилган эди.

• Amazon
• Bloomberg
• Ilon_Mask